🛑 महाराष्ट्र राज्य प्राथमिक शिक्षक समिती कणकवली शाखेने केले झी मराठी सारेगमप लिटिल चॅम्पसची महाविजेती गौरी गोसावीचे अभिनंदन
🟢 कुडाळ तालुक्यातील पडवे गावची 12 वर्षीय सिंधुदुर्गकन्या गौरी गोसावी हीने आपल्या सुरेल स्वरांनी आणि बहारदार सादरीकरणाने महाअंतिम फेरीत इतर स्पर्धकांवर मात करत महाराष्ट्राची महागायिका म्हणून या स्पर्धेचे महाविजेते पद पटकावले होते.
🛑 सध्या चारकोप-मुंबई येथे वास्तव्यास असलेली आणि डॉ. सर्वपल्ली राधाकृष्णन इंटरनॅशनल स्कूल, बोरीवली (प) या शाळेची विद्यार्थिनी असलेल्या गौरीने सुरुवातीपासूनच एकापेक्षा एक सरस गाणी सादर करत परीक्षकांसह रसिकांची मने जिंकत तब्बल 14 वेळा वरचा ‘सा’ मिळवत 14 गोल्डन तिकिटे मिळवली आणि दिमाखात महाअंतिम फेरीत दाखल झाली.अंतिम विजेतेपद मिळवत महाराष्ट्राची महागायिकाही बनली.
🛑 आज 27 जानेवारी 22 रोजी मा. संदिप गोसावीसर यांच्या घरी या महागायिकेचा महाराष्ट्र राज्य प्राथमिक शिक्षक समितीच्या वतीने सत्कार करण्यात आला.
🛑 त्यावेळी शिक्षक नेते मा. गिल्बर्ट फर्नांडिस , तालुकाध्यक्ष मा. विनायक जाधव , तालुका सरचिटणीस मा. सुशांत मर्गजसर आणि संघटनेचे शिलेदार उपस्थित होते.
©️ प्रसिध्दीप्रमुख
