मुलांनो , प्राथमिक शिक्षक समिती तुमच्यासोबत आहे : तालुकाध्यक्ष विनायक जाधव

कोविड 19 मुळे निधन पावलेल्या पालकांच्या १६ मुलांना आर्थिक मदतीचा हात 

मुलांनो , प्राथमिक शिक्षक समिती तुमच्यासोबत आहे  : तालुकाध्यक्ष विनायक जाधव 

कणकवली : दिनांक : २९ ऑक्टोबर २०२१  :  ( प्रवीण कुबल )

            कोरोनाने अनेकांच्या घरात मृत्यूने थैमान मांडलेले असताना त्याचा फटका शाळेतील मुलांनाही मोठ्या प्रमाणात बसला आहे. परंतु शिक्षक समितीने आपली सामाजिक बांधिलकी जोपासत निधन झालेल्या पालकांच्या मुलांना आर्थिक मदतीचा हात देत ' आम्ही तुमच्यासोबत आहोत ' असा दिलेला दिलासा म्हणजे एक मानसिक आधारच ठरणार आहे असे मत महाराष्ट्र राज्य प्राथमिक शिक्षक समिती कणकवली तालुकाध्यक्ष विनायक जाधव यांनी प्रसिद्धीप्रत्रकाद्वारे व्यक्त केले आहे. 

            आतापर्यंत महाराष्ट्र राज्य प्राथमिक शिक्षक समितीच्या माध्यमातून विविध शैक्षणिक व सामाजिक उपक्रम राबवत असताना कणकवली शाखेने  शाळा बंद , शिक्षण सुरु च्या काळातही कलांकुर , स्वातंत्र्यदिन गीतगायन पंधरवडा , खजिना कथांचा , रक्तदान , विद्यार्थी दत्तक पालक योजना , खेळताना अपघात झालेल्या विद्यार्थ्यांसाठी आकस्मिक पाच हजार रुपये निधी , मराठी पाठ्यपुस्तकातील कवितांचे गायन करणारा गाऊ आनंदे उपक्रम , जिल्हा शाखेच्या वतीने 45 लाखांचा निधी उभारून ऑक्सिजन प्लांट असे उपक्रम राबवले आहेत. पालकांचे , विद्यार्थ्यांचे व शिक्षकांचे हित लक्षात घेऊन राबवलेले हे उपक्रम स्तुत्य असल्याबाबत अनेक मान्यवरांनी समितीबद्दल गौरवोद्गार काढले आहेत. 

            यावर्षी कोविड मुळे निधन झालेल्या पालकांच्या १६ मुलांना कणकवली तालुका शाखा शिक्षक समितीच्या माध्यमातून रोख दोन हजार रुपयांची भरीव अशी तातडीची आर्थिक मदत करण्यात आली. त्यामध्ये युवराज योगेश गावकर ( ओटव नं.१ ),  अथर्व महेश राणे ( बिडवाडी कणखरे ) , सिद्दिक सोनू शेळके ( तळेरे नं. १ ) , किमया सतीश राऊळ ( तळवडे ) , समृद्धी अमित ठाकूर ( हळवल नं. १ ) , भूषण पांडुरंग गावकर ( नाटळ खांदार ) ,  यश हेमंत भरणकर व भाविका हेमंत भरडकर ( फोंडा बावीचे भाटले ) , हार्दिक सतीश राऊळ ( तळवडे ) ,  मधुरा अनंत सुतार ( घोणसरी नं. १ ) ,  ओमकार रमेश सूर्यवंशी ( ओझरम् नं. १ ) , तनिष्का दशरथ तावडे ( सांगवे गावकरवाडी ) , गणेश निलेश घाडीगावकर ( तरंदळे नं. १ ) ,  श्रावणी समीर चव्हाण ( कळसुली भोगनाथ ) , सलोनी सत्यवान कानडे व स्वरा सत्यवान कानडे ( शिवडाव मांगर ) अशा मुलांचा समावेश आहे. 

            यावेळी तालुक्यातील जिल्हा व तालुका पदाधिकारी, शाळा व्यवस्थापन समितीचे पदाधिकारी , शाळेचे मुख्याध्यापक व शिक्षकवृंद उपस्थित होते. सर्वांनी दिलेल्या सहकार्याबद्दल शिक्षकनेते गिल्बर्ट फर्नांडिस , तालुकाध्यक्ष विनायक जाधव व तालुका सरचिटणीस सुशांत मर्गज यांनी विशेष आभार मानले आहेत. 

कोवीड १९ मुळे निधन झालेल्या पालकांच्या मुलांना आर्थिक मदत

कोवीड १९ मुळे निधन झालेल्या पालकांच्या मुलांना आर्थिक मदत करण्यासाठी आज शुक्रवार दि. ८/१०/२०२१ रोजी स.११.०० वा. शाळा सांगवे गावकरवाडी या शाळेतील विद्यार्थीनी कु.तनिष्का दशरथ तावडे हिला रु.२०००/-आर्थिक मदतीचा चेक सुपूर्द करण्यात आला. या प्रसंगी तालुका उपाध्यक्ष सन्मा . श्री .व्ही .टी . सुतार सर ,शा.व्य.स.अध्यक्ष सन्मा . श्री. जयप्रकाश सावंत, उपाध्यक्षा सन्मा .सौ.वैष्णवी म्हापणकर, समिती शिलेदार सन्मा .श्री. जनार्दन मेस्त्री, सन्मा .सौ.जान्हवी मेस्त्री व  सन्मा . सौ .विनया पावले इ.उपस्थित होते.

शिक्षक समितीचा आर्थिक मदतीचा एक हात

 

बोर्डवे केंद्रातील शाळा ओसरगाव कानसळी मधील विद्यार्थीनी कुमारी वृषाली चंद्रकांत वडार हिला शैक्षणिक साहित्य किट देण्यात आले.

 🟥 महाराष्ट्र राज्य प्राथमिक समिती शाखा कणकवलीच्या वतीने दत्तक विद्यार्थी उपक्रम

🟩 बोर्डवे केंद्रातील शाळा ओसरगाव कानसळी मधील विद्यार्थीनी कुमारी वृषाली चंद्रकांत वडार हिला शैक्षणिक साहित्य किट देण्यात आले.

🟨 त्यावेळी शाळेचे शाळा व्यवस्थापन समिती अध्यक्ष श्री आप्पा देसाई ,जिल्हा कार्यालयीन चिटणीस श्री संतोष कुडाळकर,बोर्डवे केंद्रसंघटक श्री प्रशांत दळवी,श्री दिलीप कदम,विद्यार्थी पालक व ग्रामस्थ उपस्थित होते.

🟦 महाराष्ट्र राज्य प्राथमिक शिक्षक समिती , कणकवली

कोविड मुळे निधन पावलेल्या पालकांच्या पाल्यांना समितीने दिला मदतीचा हात

🛑 महाराष्ट्र राज्य प्राथमिक शिक्षक समितीने दिला मदतीचा हात

🟢 कणकवली तालुका शाखेमार्फत कोविडने पालक हरवलेल्या विद्यार्थ्यांना आर्थिक मदत

🟡 कणकवली :

          महाराष्ट्र राज्य प्राथमिक शिक्षक समिती कणकवलीच्या वतीने विविध उपक्रम राबवले जातात. त्याचाच एक भाग म्हणून कोविडमुळे आई वडिलांचे छत्र हरवलेल्या मुलांना आर्थिक मदत देण्याचा उपक्रम राबविला जात आहे. कणकवली तालुक्यातील अशा १३ मुलांना रोख दोन हजार रुपयांची आकस्मिक मदत देऊन आम्हीही तुमच्यासोबत आहोत असा दिलासादायक हात पाठीवर ठेवून आधार देण्याचे कार्य समिती करीत आहे. त्यावेळी शाळा तरंदळे नं. १ येथे झालेल्या कार्यक्रमात गणेश निलेश घाडीगांवकर याला दोन हजार रुपयांची रोख मदत देण्यात आली. 

          शिक्षक समिती कणकवली आयोजित मदत कार्यक्रमात उपस्थितांचे स्वागत शाळा तरंदळे नं. १ च्या मुख्याध्यापिका शुभलक्ष्मी कुलकर्णी यांनी केले. शिक्षक नेते गिल्बर्ट फर्नांडीस यांनी आपले मनोगत व्यक्त केले व संघटनेच्या विविध उपक्रमांविषयी माहिती दिली. तालुकाध्यक्ष विनायक जाधव यांनी आपले मनोगत व्यक्त करुन सर्व उपस्थितांचे आभार मानले.

          त्यावेळी कणकवली शिक्षक बँकेचे संचालक आनंद तांबे , तालुका सरचिटणीस सुशांत मर्गज, तरंदळे नं.१ शालेय व्यवस्थापन समितीचे अध्यक्ष देवलकर , संघटनेचे सहसचिव समीर पाटील , कार्यालयीन चिटणीस महेश चव्हाण , तालुका संघटक अजित कदम , केंद्रसंघटक सुभाष तांबे , माजी कार्यालयीन चिटणीस प्रकाश बुचडे , सल्लागार सुजाता साटविलकर आणि पालक उपस्थित होते.

शिक्षक समितीचे कार्य प्रेरणादायी : मा. सुहास पाताडे ( शिक्षण विस्तार अधिकारी )

🛑 शिक्षक समितीचे कार्य प्रेरणादायी : शिक्षण विस्तार अधिकारी सुहास पाताडे 

तळेरे : 

          कोरोनाने अनेकांच्या घरात मृत्यूने थैमान मांडलेले असताना त्याचा फटका शाळेतील मुलांनाही मोठ्या प्रमाणात बसला आहे. परंतु शिक्षक समितीने आपली सामाजिक बांधिलकी जोपासली आहे. निधन झालेल्या पालकांच्या मुलांना आर्थिक मदतीचा हात देत ' आम्ही तुमच्यासोबत आहोत ' असा दिलासा दिलेला आहे. त्यामुळे शिक्षक समितीचे कार्य हे इतरांनाही प्रेरणादायी असेच आहे असे मत कणकवली पंचायत समितीचे तळेरे प्रभागाचे शिक्षण विस्तार अधिकारी सुहास पाताडे यांनी तळेरे नं. १ शाळेत केले. 

          आतापर्यंत महाराष्ट्र राज्य प्राथमिक शिक्षक समितीच्या माध्यमातून विविध शैक्षणिक व सामाजिक उपक्रम राबवत असताना कणकवली शाखेने  शाळा बंद , शिक्षण सुरु च्या काळातही कलांकुर , स्वातंत्र्यदिन गीतगायन पंधरवडा , खजिना कथांचा , रक्तदान , विद्यार्थी दत्तक पालक योजना , खेळताना अपघात झालेल्या विद्यार्थ्यांसाठी आकस्मिक पाच हजार रुपये निधी , मराठी पाठ्यपुस्तकातील कवितांचे गायन करणारा गाऊ आनंदे उपक्रम , जिल्हा शाखेच्या वतीने 45 लाखांचा निधी उभारून ऑक्सिजन प्लांट असे उपक्रम राबवले आहेत. पालकांचे , विद्यार्थ्यांचे व शिक्षकांचे हित लक्षात घेऊन राबवलेले हे उपक्रम स्तुत्य असल्याबाबत मान्यवरांनी समितीबद्दल गौरवोद्गार काढले आहेत. 

          कार्यक्रमामध्ये सर्वांचे स्वागत ज्ञानेश्वर परदेशी यांनी केले. प्रास्ताविक तळेरे विभागीय अध्यक्ष मंगेश मुद्रस यांनी केले. कणकवली तालुकाध्यक्ष विनायक जाधव यांनी संघटनेच्या सर्व उपक्रमांचा आढावा घेतला. तालुकाध्यक्ष मा. विनायक जाधव म्हणाले , " आम्ही सर्वजण कोविडमुळे निधन झालेल्या पालकांच्या मुलांसाठी खारीचा वाटा उचलत आहोत , त्यांच्या पुढील शैक्षणिक वाटचालीसाठी आमची कधी पुन्हा मदत लागली तरीही आम्ही त्यांच्या सोबत आहोत. " गेल्यावर्षीही गरजूंना अन्नधान्यासाठी वीस हजार पर्यंतची मदत केल्याचेही त्यांनी सांगितले. केंद्रप्रमुख गोपाळ जाधव म्हणाले , " शिक्षक समितीच्या माध्यमातून राबवले जाणारे उपक्रम वैशिष्टपूर्ण असून परिस्थितीनुसार त्यात नाविण्यपूर्णता येत आहे ही उल्लेखनीय बाब आहे. " ज्यांना गरज , त्यांना मदत " अशा प्रासंगिक मदत करणाऱ्या संघटनेच्या भरीव कार्याबद्दल सुहास पाताडे यांनी कौतुक केले. 

          कणकवलीत अशा १३ मुलांना आर्थिक साहाय्य दिले जात असून त्यापैकी ओमकार रमेश सूर्यवंशी, शाळा ओझरम नं. १ व सिध्दीक सोनू शेळके, शाळा तळेरे नं. १ यांना प्रत्येकी दोन हजार रुपयांची तातडीची आर्थिक मदत समितीकडून देण्यात आली. त्यावेळी केंद्रप्रमुख संजय पवार , कणकवली शिक्षक बँकेचे संचालक आनंद तांबे , तळेरे नं. १ च्या स्मिता कदम , तालुका संघटक अजित कदम , सत्यवान चव्हाण , संदिप ब्रम्हदंडे , महिला कार्याध्यक्षा सुप्रिया म्हसकर , महिला कोषाध्यक्षा ऋतुजा जंगले , केंद्रसंघटक पूजा शंकरदास आदी उपस्थित होते. 

          कार्यक्रमाचे सूत्रसंचालन कणकवली तालुका सरचिटणीस सुशांत मर्गज यांनी केले . कणकवली तालुका संघटक सत्यवान घाडीगांवकर यांनी सर्वांचे आभार मानले. 

 

शिक्षक समिती म्हणजे एक सामाजिक चळवळ : गटशिक्षणाधिकारी मा. किशोर गवस

कोविड 19 मुळे निधन पावलेल्या पालकांच्या मुलांना आर्थिक मदतीचा हात 

आम्ही तुमच्यासोबत आहोत असे मानसिक व आर्थिक बळ

कणकवली : दिनांक : 21 ऑगस्ट 2021 :  ( प्रवीण कुबल )

          कोरोनाने अनेकांच्या घरात मृत्यूने थैमान मांडलेले असताना त्याचा फटका शाळेतील मुलांनाही मोठ्या प्रमाणात बसला आहे. परंतु शिक्षक समितीने आपली सामाजिक बांधिलकी जोपासत निधन झालेल्या पालकांच्या मुलांना आर्थिक मदतीचा हात देत ' आम्ही तुमच्यासोबत आहोत ' असा दिलेला दिलासा म्हणजे एक मानसिक आधारच ठरणार आहे असे मत कणकवली पंचायत समितीचे गटशिक्षणाधिकारी मा.किशोर गवस यांनी हळवल केंद्रशाळेत केले. 

          आतापर्यंत महाराष्ट्र राज्य प्राथमिक शिक्षक समितीच्या माध्यमातून विविध शैक्षणिक व सामाजिक उपक्रम राबवत असताना कणकवली शाखेने  शाळा बंद , शिक्षण सुरु च्या काळातही कलांकुर , स्वातंत्र्यदिन गीतगायन पंधरवडा , खजिना कथांचा , रक्तदान , विद्यार्थी दत्तक पालक योजना , खेळताना अपघात झालेल्या विद्यार्थ्यांसाठी आकस्मिक पाच हजार रुपये निधी , मराठी पाठ्यपुस्तकातील कवितांचे गायन करणारा गाऊ आनंदे उपक्रम , जिल्हा शाखेच्या वतीने 45 लाखांचा निधी उभारून ऑक्सिजन प्लांट असे उपक्रम राबवले आहेत. पालकांचे , विद्यार्थ्यांचे व शिक्षकांचे हित लक्षात घेऊन राबवलेले हे उपक्रम स्तुत्य असल्याबाबत मान्यवरांनी समितीबद्दल गौरवोद्गार काढले आहेत. 

          कार्यक्रमाचे प्रास्ताविक कणकवली तालुका उपाध्यक्ष मा. टोनी म्हापसेकर यांनी केले. त्यात त्यांनी संघटनेच्या सर्व उपक्रमांचा आढावा घेतला. तालुकाध्यक्ष मा. विनायक जाधव म्हणाले , " आम्ही सर्वजण कोविडमुळे निधन झालेल्या पालकांच्या मुलांसाठी खारीचा वाटा उचलत आहोत , त्यांच्या पुढील शैक्षणिक वाटचालीसाठी आमची कधी पुन्हा मदत लागली तरीही आम्ही त्यांच्या सोबत आहोत. " गेल्यावर्षीही गरजूंना अन्नधान्यासाठी वीस हजार पर्यंतची मदत केल्याचेही त्यांनी सांगितले. केंद्रप्रमुख मा. अनंत राणे म्हणाले , " शिक्षक समितीच्या माध्यमातून सातत्यपूर्ण विविध उपक्रम राबवले जात असून ते तातडीचे व प्रसंगानुरूप मदत करणारे आहेत ही उल्लेखनीय बाब आहे. गरजू विद्यार्थ्यांच्या आयुष्यात त्यामुळे नक्कीच उभारी येईल असे मत त्यांनी व्यक्त केले. 

          " ज्यांना गरज , त्यांना मदत " अशा प्रासंगिक मदत करणाऱ्या संघटनेच्या भरीव कार्याबद्दल गटशिक्षणाधिकारी मा.किशोर गवस यांनी कौतुक केले. तसेच शासनाच्या वतीने कोविडग्रस्त पाल्यांना मासिक मानधन मिळण्याच्या प्रस्तावाबाबतही त्यांनी मार्गदर्शन केले. या गरजू पाल्यांच्या पंखात बळ येवो आणि त्यांना या दुःखातून सावरण्यासाठी शक्ती मिळो अशीही भावना सर्वांनी व्यक्त केली. 

          महिला आघाडी तालुकाध्यक्षा मा. निकिता ठाकूर यांनीही मनोगत व्यक्त करताना उपस्थित पालकांना व पाल्यांना धीर दिला. त्यावेळी कणकवली शिक्षक बँकेचे संचालक मा. आनंद तांबे , हळवल केंद्रशाळेच्या मुख्याध्यापिका मा. श्वेता मेस्त्री , हळवल केंद्रशाळेचे शाळा व्यवस्थापन समिती अध्यक्ष मा. विक्रांत ठाकूर , जिल्हा विभागीय अध्यक्ष महेंद्र पवार , सल्लागार  मा.किशोर गोसावी , मा. सदानंद ठाकूर , मा. सुनिल कदम , मा. श्रीकृष्ण ठाणेकर , मा. राजेंद्र गोसावी, मा. सायली राणे , मा. श्रेया ठाणेकर आणि पालक उपस्थित होते. 

          कणकवलीत अशा १३ मुलांना आर्थिक साहाय्य दिले जात असून त्यापैकी कळसुली व हळवल केंद्रातील समृद्धी अमित ठाकूर , किमया सतीश राऊळ आणि हार्दिक सतीश राऊळ यांना प्रत्येकी दोन हजार रुपयांची तातडीची आर्थिक मदत समितीकडून देण्यात आली. कार्यक्रमाचे सूत्रसंचालन कणकवली तालुका सरचिटणीस मा. सुशांत मर्गज यांनी केले . कणकवली तालुका विभागीय उपाध्यक्ष मा. दिलीप धामापूरकर यांनी सर्वांचे आभार मानले.