महाराष्ट्र राज्य प्राथमिक शिक्षक समिती विस्तृत तालुका कार्यकारिणी सभा संपन्न

 

आधी डीसीपीएसधारकांच्या शंकांचे निरसन करा आणि मगच एनपीएसची कार्यवाही करा : गिल्बर्ट फर्नांडिस

आधी डीसीपीएसधारकांच्या शंकांचे निरसन करा आणि मगच एनपीएसची कार्यवाही करा : गिल्बर्ट फर्नांडिस

 महाराष्ट्र राज्य प्राथमिक शिक्षक समितीची शिक्षण विभागाकडे आग्रहपूर्वक मागणी  

 कणकवली दिनांक : १२ फेब्रुवारी २०२१

          प्राथमिक शिक्षकांना पंधरा वर्षे लागू असलेली परिभाषित अंशदायी पेन्शन योजना म्हणजेच डिसीपीएसचे नवीन राष्ट्रीय पेन्शन योजनेत म्हणजेच एनपीएस मध्ये समाविष्ट करण्याची प्रक्रिया सुरु करण्यात आलेली आहे. याची प्रशासकीय कार्यवाही करण्याबाबतही दिशानिर्देश देण्यात आलेले आहेत. त्यामुळे डीसीपीएसधारक प्राथमिक शिक्षकांमध्ये संभ्रम निर्माण झाले आहेत. या शिक्षकांच्या शंका निरसन करण्यासाठी जिल्हास्तरावरुन त्याबाबतचे योग्य असे मार्गदर्शन करुनच पुढील कार्यवाही करावी अशी मागणी महाराष्ट्र राज्य प्राथमिक शिक्षक समितीचे नेते गिल्बर्ट फर्नांडिस यांनी कणकवली तालुका शाखेच्या वतीने कणकवली गटशिक्षणाधिकारी यांच्याकडे केली. 

          डिसीपीएसधारक यांना सध्या नवीन राष्ट्रीय पेन्शन योजनेचे ( NPS ) खाते उघडण्यासाठीचा CSRF फॉर्म भरण्यासाठी आदेश दिले गेले आहेत. त्यामुळे सामान्य DCPS धारक शिक्षक आपल्या भविष्यातील समस्यांनी ग्रस्त झाला आहे. निवृत्तीवेतनात अडचणी निर्माण झाल्यास आपले भवितव्यच अंधारमय होण्याची भितीही निर्माण झाली आहे. याकरिता तालुकास्तरावर याबाबत तज्ज्ञमार्गदर्शकांचे मार्गदर्शन आयोजित करुन मगच कार्यवाही सुरु करण्याची मागणीही समितीच्या वतीने करण्यात आली. 

          राष्ट्रीय पेन्शन योजना नक्की काय आहे ? DCPS धारकांना आजपर्यंतचा संपूर्ण हिशेब असलेले तपशीलवार विवरणपत्र , सेवानिवृत्तीनंतर कोणते लाभ मिळणार ? सेवेत असताना मृत्यू झाल्यास किती लाभ मिळणार ? DCPS धारकांना शासनाने द्यावयाचे अंशदान व व्याज याविषयीचे मुद्देसुद मार्गदर्शन इत्यादी सर्व बाबींचा निवेदनात उल्लेख केलेला असून त्यावर शासनस्तरावर योग्य असे मार्गदर्शन झाल्याशिवाय पुढील कार्यवाही करण्याची घाई करण्यात येऊ नये अशीही स्पष्ट लेखी मागणी केली आहे. तसेच या मागण्यांचा सकारात्मक विचार झाला नसल्यास महाराष्ट्र राज्य प्राथमिक शिक्षक समिती याचा नेहमीच कडाडून विरोध करेल असेही मागणीमध्ये नमूद करण्यात आले आहे. 

          मागण्यांचे निवेदन कणकवलीचे गटशिक्षणाधिकारी संदेश किंजवडेकर यांच्याकडे देण्यात आले. त्यावेळी संघटनेचे शिक्षकनेते गिल्बर्ट फर्नांडिस, तालुकाध्यक्ष विनायक जाधव, महिलासेल अध्यक्षा निकिता ठाकूर, कार्याध्यक्षा नेहा मोरे , जिल्हा विभागिय अध्यक्ष महेंद्र पवार, श्रीकृष्ण ठाणेकर, संतोष राणे, सुनिल गांवकर, धीरज हुंबे, अजित कदम , सचिन सावंत,  संदिप तांबे, संदिप गोसावी, प्रिती मशिदकर , प्रवीण कुबल आणि सरचिटणीस सुशांत मर्गज उपस्थित होते.

शिक्षक समितीची शाळांना प्रसंगानुरुप सदिच्छा भेट

 महाराष्ट्र राज्य प्राथमिक शिक्षक समिती सिंधुदुर्गचे कणकवली तालुका शिक्षक नेते मा. गिल्बर्ट फर्नांडिससर , कणकवली तालुकाध्यक्ष मा. विनायक जाधवसर, शिक्षक बँकेचे संचालक मा. आनंद तांबेसर, जिल्हा विभागिय पदाधिकारी मा. महेंद्र पवारसर, ज्येष्ठ सल्लागार मा. सत्यवान घाडीगांवकरसर, र्शेर्पे केंद्रसंघटक मा. आशिष दुधेसर , साळिस्ते केंद्रसंघटक मा. परदेशीसर , खारेपाटण केंद्रसंघटक मा. मंगेश मुद्रससर , शिडवणे नं.१ शाळेचे मुख्याध्यापक मा. सुनिल तांबेसर, उपशिक्षिका सीमा वरुणकरमॕडम , पदवीधर शिक्षक प्रवीण कुबलसर यांच्या प्रमुख उपस्थितीत शिडवणे नं. १ शाळेच्या उपशिक्षिका मा. सुजाता प्रल्हाद कुडतरकरमॕडम यांचा मुलगा पराग ८ वी शिष्यवृत्ती परीक्षेत गुणवत्ता यादीत आल्याबद्दल विशेष सदिच्छा भेट देऊन अभिनंदन करण्यात आले. त्याबद्दल सर्व उपस्थित शिक्षक समिती शिलेदारांचे हार्दिक आभार.

नुतन सरचिटणीस मा. श्रीमती नेहा मोरे यांचे अभिनंदन करताना समितीचे जिल्हाध्यक्ष मा. नितिन कदमसर व कणकवली तालुकाध्यक्ष मा. विनायक जाधवसर

 महाराष्ट्र राज्य प्राथमिक शिक्षक समिती कणकवलीच्या महिला आघाडीच्या नुतन सरचिटणीस मा. श्रीमती नेहा मोरे यांचे अभिनंदन करताना समितीचे जिल्हाध्यक्ष मा. नितिन कदमसर व कणकवली तालुकाध्यक्ष मा. विनायक जाधवसर

अभिनंदन व शुभेच्छा मा. निकिता ठाकूर यांचे

 महाराष्ट्र राज्य प्राथमिक शिक्षक समिती कणकवली तालुका शाखेच्या महिला आघाडीच्या अध्यक्षा म्हणून मा. सौ. निकिता निलेश ठाकूरमॕडम यांची अभिनंदनीय निवड झाल्याबद्दल त्यांचे हार्दिक अभिनंदन करताना महाराष्ट्र राज्य प्राथमिक शिक्षक समितीचे जिल्हाध्यक्ष मा. नितीन कदमसाहेब , कणकवली तालुकाध्यक्ष मा. विनायक जाधवसाहेब आणि मा. निलेश ठाकूरसर

कणकवली प्राथमिक शिक्षक समिती महिला आघाडी नवीन कार्यकारिणी गठित

कणकवली प्राथमिक शिक्षक समिती महिला आघाडी नवीन कार्यकारिणी गठित

कणकवली दिनांक :  २३ जानेवारी २०२१

          महाराष्ट्र राज्य प्राथमिक शिक्षक समिती महिला आघाडी शाखा कणकवली तालुका कार्यकारिणीची सभा शिक्षक नेते गिल्बर्ट फर्नांडीस यांच्या अध्यक्षतेखाली शाळा कलमठ बाजारपेठ येथे आयोजित करण्यात आली होती. सर्वप्रथम तालुका सरचिटणीस सुशांत मर्गज यांनी व्यासपीठावर उपस्थित शिक्षक नेते गिल्बर्ट फर्नांडीस, महिला सेल अध्यक्षा वृषाली सावंत, महिला सेल सचिव रश्मी आंगणे, जिल्हा विभागीय अध्यक्ष महेंद्र पवार, शिक्षक पतपेढी माजी उपाध्यक्ष तथा संचालक आनंद तांबे आदी मान्यवरांचे शाखेच्यावतीने हार्दिक स्वागत करण्यात आले.  त्याचप्रमाणे उपस्थित सर्व महिला तालुका कार्यकारिणी सदस्य, सर्व शिक्षक समिती शिलेदारांचे शब्द सुमनाने स्वागत करण्यात आले.

          प्रास्ताविक शिक्षक नेते गिल्बर्ट फर्नांडीस यांनी व्यक्त केले. यामध्ये नविन कार्यकारिणी गठीत करण्यासंदर्भात नियमावली स्पष्ट केली. मागील कार्यकारिणीच्या कार्याचे कौतुक केले. संघटनेच्या विविध उपक्रमांचा व संघटनात्मक बाबींचा आढावा घेण्यात आला. यानंतर महिलाध्यक्षा वृषाली सावंत व सरचिटणीस रश्मी आंगणे यांनी आपले मनोगत व्यक्त केले.

          नवीन कार्यकारिणी गठीत करणेबाबत चर्चा करण्यात आली. व सूचक अनुमोदक या प्रमाणे सन २०२१ ते २०२४ या कालावधी करीता अध्यक्षा म्हणून निकिता ठाकूर तर सरचिटणीसपदी नेहा मोरे यांची सर्वानुमते निवड करण्यात आली. कार्याध्यक्षा सुप्रिया म्हसकर, कार्यालयीन चिटणीस पूजा शंकरदास, कोषाध्यक्षा ऋतुजा जंगले, कणकवली उपाध्यक्षा विशाखा काणेकर, कनेडी उपाध्यक्षा स्नेहा गोठणकर, फोंडा उपाध्यक्षा दर्शना हुंबे, हुमरट उपाध्यक्षा ममता सावंत, तळेरे उपाध्यक्षा आरती कांबळे यांची सर्वानुमते निवड करण्यात आली.

तसेच तालुका संपर्क प्रमुख संजना चिंदरकर, सल्लागार कल्पना मलये, वृषाली सावंत, प्रणाली निकम, स्वप्नाली रावराणे, स्वराशा कासले यांना निवडण्यात आले. 

          केंद्र संघटक म्हणून कणकवली- प्राजक्ता सावंत,जानवली - संगीता सावंत, वागदे- अपूर्वा सावंत, सावडाव- स्नेहा सामंत, हळवल- श्रेया ठाणेकर, घोणसरी - श्रेया नानचे, भिरवंडे - निकिता बगळे, नरडवे -  सोनाली कदम, पियाळी - अनुराधा कदम, साळिस्ते - साधना लोकरे, डामरे- तिवरे - अपेक्षा कदम, बिडवाडी -  सारिका पवार यांची निवड करण्यात आली. 

          बोर्डवे, कळसुली, हरकुळ बुद्रुक, हरकुळ खुर्द, फोंडा, नाटळ, कासार्डे, खारेपाटण, शेर्पे, नांदगाव, इ. केंद्रांच्या केंद्रसंघटकांची निवड मागावून करण्यात येणार आहे.

          शिक्षक नेते गिल्बर्ट फर्नांडीस, विभागीय अध्यक्ष महेंद्र पवार, महिला अध्यक्षा वृषाली सावंत, महिला सरचिटणीस रश्मी आंगणे, संचालक आनंद तांबे, तालुका सरचिटणीस सुशांत मर्गज यांनी मनोगत व्यक्त केले. महिला सरचिटणीस रश्मी आंगणे यांनी सर्वांचे तालुका शाखेच्या वतीने आभार व्यक्त केले.

शिक्षक समितीच्या राज्याध्यक्षांच्या दौर्‍यात शिक्षक समिती मध्ये विदर्भातील शेकडो शिक्षकांचा समितीत प्रवेश

 शिक्षक समितीच्या राज्याध्यक्षांच्या दौर्‍यात  शिक्षक समिती मध्ये विदर्भातील शेकडो शिक्षकांचा समितीत प्रवेश

अमरावती-२२/१/२०२०

          महाराष्ट्र राज्य प्राथमिक शिक्षक समितीच्या महाराष्ट्रात ३५ जिल्ह्यात शाखा आहे.शिक्षक समिती सतत विद्यार्थी, समाज,शिक्षक यांचे प्रश्न शासन दरबारी मांडून शासनास सोडविण्यास भाग पाडते.संघटन अधिक मजबुत व्हावे म्हणुन शिक्षक समितीचे राज्याध्यक्ष उदय शिंदे, राज्य उपाध्यक्ष राजन कोरगांवकर,राज्य सरचिटणीय विजय कोंबे, राज्य प्रसिध्दी प्रमुख राजेश सावरकर, अमरावती विभागीय अध्यक्ष ज्ञानेश्नर नाकाडे, नागपूर विभागीय अध्यक्ष अशोक वैद्द यांनी १७ जानेवारी ते २०जानेवारी पर्यंत विदर्भातील वाशिम,यवतमाळ,वर्धा,चंद्रपूर,गडचिरोली,गोंदिया,भंडारा,नागपूर येथे संपर्क सभा,संवाद सभा घेतल्या या सभेत विदर्भात जिल्हातील शिक्षक, शिक्षिका यांनी समितीत प्रवेश केला.

          वाशिम जिल्हातील जिल्हाध्यक्ष विनोद घुगे,सतिश सांगळे यांच्या उपस्थित शिक्षकांनी प्रवेश केला,यवतमाळ येथे जिल्हाध्यक्ष ज्ञानेश्वर नाकाडे,सरचिटणीस गजानन देऊळकर,संदिप मोहाडे यांच्या पर्यंतनाने पुसत पं.स.मधिल सुभाष डवले,बबन पाईकराव, संतोष मारकड,गजानन मोडक,अशोक ताळीकोटे, सुरेश काळे,प्रभाकर बार्‍हाळे,कैलास वारकड, अंकुश देवकत्ते,संजय डांगे,गजानन खुडे, अविनाश आडे,सचिन हातमोडे,पांढरकवडा पं.स.मधिल उपक्रमशिल शिक्षक प्रशांत येडशीकर, भगवान शिवरकर,राजेश पेन्दोर,रविद्र आगीरकर, कावडे,घाटंजी पं.स. मधिल संदिप गेडाम, रामकृष्ण सुरपाम,सचिन मांडवगोडे,ओमप्रकाश भवरे,संदिप पडगीलवार, संजय पोहणकर,देवजी मेश्राम,अनंता मडावी, देवानंद भाटे,लिना लढे, सी.पी.झाडे,कृणाल गेडाम,महादेव घोडाम, हिरा धुर्वे,निरंजन मांडवे, महेंद्र पाटिल,सिमा गावंडे,शिक्षक संघाचे माजी सचिव रामलाल जाधव, महागाव पं.स.मधिल आदर्श व उपक्रशील शिक्षिका अर्चना भरकाडे, प्रदिप गावंडे,गजानन काळे,महेश बोराडे, शुभांगी जाधव,कृणाल भगत,निलेश रावेकर, विनोद बोडखे,मंगेश बावणे,सुनिल राठोड, महेंद्र येटे यांनी शिक्षक समितीत जाहीर प्रवेश केला.वर्धा मधिल नरेंद्र  गाडेकर,मनिष ठाकरे, रामदास खेराळे यांच्या उपस्थितीत शिक्षकांनी प्रवेश केला.

          गोंदिया जिल्हाध्यक्ष मनोज दिक्षित,एल.यु.खोब्रागडे,किशोर डोंगरवार,भंडारा ईश्वर नाकाडे,मोहन पडोळे,रामभाऊ कोरे, हरकीसन अंबादे,नागपूर जिल्हाध्यक्ष लिलाधर ठाकरे,सौ.मिनल देवरनकर,अनिल नासरे यांच्या प्रयत्नाने इतर संघटनेचे विलास चालखोर,मधुसुदन चरपे,विजय वांढरे,सुरेंद्र आगरकर,वि.सोमकुवर यांनी प्रवेश केला. सर्व मान्यवरांचा राज्याध्यक्ष उदय शिंदे यांनी शिक्षक समितीचा शेला देऊन सत्कार केला.

          प्रवेश घेतलेल्या शिक्षकांचा शिक्षक समितीत सन्मानजनक वागणुक देण्यात येईल असे उद्गार राज्याध्यक्ष उदय शिंदे यांनी काढले.त्यांच्या दौऱ्याने विदर्भात नवचैतन्य निर्माण झाले आहे असे उद्गार  राज्य सरचिटणीस विजय कोंबे यांनी व्यक्त केले.असे शिक्षक समितीचे राज्य प्रसिध्दी प्रमुख राजेश सावरकर यांनी कळविले आहे.