शिक्षक समिती कणकवली शाखेची विस्तृत कार्यकारिणी सभा संपन्न

 शिक्षक समिती कणकवली शाखेची विस्तृत कार्यकारिणी सभा संपन्न

कणकवली: महाराष्ट्र राज्य प्राथमिक शिक्षक समिती शाखा कणकवलीची महत्त्वपूर्ण विस्तृत कार्यकारिणी सभा आज, शुक्रवार दिनांक २५ एप्रिल २०२५ रोजी भालचंद्र महाराज विद्यालय कणकवली नं. ३ येथे उत्साहात पार पडली. तालुकाध्यक्ष सुशांत मर्गज यांनी या सभेचे अध्यक्षस्थान भूषविले.

सभेच्या सुरुवातीला मागील सभेचे इतिवृत्त वाचून सर्वानुमते मंजूर करण्यात आले. त्यानंतर, जमाखर्चाचे व्यवस्थित वाचन सादर करण्यात आले, ज्याला उपस्थितांनी एकमताने मंजुरी दिली. कार्यकारिणीच्या काही रिक्त पदांवर नवीन सदस्यांची निवड प्रक्रिया यावेळी पार पडली. कोकण विभागीय मेळाव्याच्या संदर्भात आर्थिक चर्चा करण्यात आली आणि सभासद नोंदणीच्या प्रगतीचा आढावा घेण्यात आला. अध्यक्षांच्या परवानगीने काही महत्त्वाचे आयत्या वेळचे विषय देखील सभेमध्ये मांडले गेले.

या महत्त्वपूर्ण बैठकीला तालुका शिक्षक नेते टोनी म्हापसेकर, तालुकाध्यक्ष सुशांत मर्गज, सचिव निलेश ठाकूर, महिला अध्यक्षा दर्शना हुंबे, महिला सचिव सारिका पवार, कार्याध्यक्ष संतोष कांबळे, कोषाध्यक्ष सचिन सावंत, जिल्हा प्रसिद्धी प्रमुख विनायक जाधव, जिल्हा महिला अध्यक्षा निकिता ठाकूर, जिल्हा सल्लागार संदीप गोसावी, जिल्हा कार्याध्यक्ष संतोष कुडाळकर, महिला कार्याध्यक्षा कविता बुचडे, तसेच नरेंद्र चिंदरकर, गोविंद वावदाने, विनिता शिरसाट, स्वरूपा ढवळ, स्नेहा गोठणकर, स्नेहल गोसावी, जिल्हा महिला उपाध्यक्षा नेहा मोरे, बँकेचे संचालक श्रीकृष्ण कांबळी, संपर्क प्रमुख दिनेश जंगले, प्रकाश पवार, प्रवक्ते विजय पाताडे, संघटक ईश्वरलाल कदम, सल्लागार संतोष तांबे, शिवाजी मडव, ज्ञानदेव आपोतीकर, सुनिल गावकर, तळेरे विभागीय अध्यक्ष अजय सावंत, महिला प्रवक्त्या मयुरी राणे, तालुका उपाध्यक्ष जगन्नाथ घाडीगावकर, विभागीय जिल्हा उपाध्यक्ष किशोर गोसावी, जिल्हा उपाध्यक्ष अजय तांबे, महिला संपर्क प्रमुख रश्मी आंगणे, प्रशांत दळवी, सल्लागार प्रदीप श्रावणकर, प्रसाद कांबळी आणि नंदकुमार सरंगले यांच्यासह तालुका प्रसिद्धी प्रमुख प्रवीण कुबल आणि इतर अनेक निष्ठावान कार्यकर्ते मोठ्या संख्येने उपस्थित होते. सभा ठरलेल्या अजेंड्यानुसार यशस्वीरित्या पार पडली.

या सभेचे आणखी एक वैशिष्ट्य म्हणजे तालुका प्रसिद्धी प्रमुख प्रवीण कुबल यांनी त्यांच्या 'नाभिकायन' या ब्लॉगस्पॉटमधील निवडक लेखांचे संकलन करून तयार केलेल्या बुकलेटचे प्रकाशन. हे प्रकाशन समितीच्या सर्व पदाधिकाऱ्यांच्या शुभहस्ते संपन्न झाले.

अखेरीस, तालुका सरचिटणीस निलेश ठाकूर यांनी उपस्थित सर्वांचे मनःपूर्वक आभार मानले आणि सभेची सांगता झाली. ही विस्तृत कार्यकारिणी सभा शिक्षक समितीच्या पुढील वाटचालीस निश्चितच दिशा देणारी ठरली.