🔴 महाराष्ट्र राज्य प्राथमिक शिक्षक समिती, कणकवली महिला आघाडीची अनोखी श्रावण सहल
🔸 नापणे - शेर्पे धबधब्याच्या काचेच्या पुलाचा अनुभव व सावडाव धबधबा
कणकवली: महाराष्ट्र राज्य प्राथमिक शिक्षक समिती, कणकवली शाखेच्या महिला आघाडीने नुकताच श्रावण मेळा आणि वर्षा सहल या उपक्रमाचे आयोजन केले होते. या उपक्रमांतर्गत जिल्ह्यातील सर्व महिला शिक्षिकांनी नापणे-शेर्पे येथील प्रसिद्ध धबधब्याला भेट देऊन निसर्गाचा मनमुराद आनंद घेतला. हा कार्यक्रम रविवार, ३ ऑगस्ट २०२५ रोजी पार पडला.
या सहलीचे मुख्य आकर्षण ठरला तो नापणे-शिर्के धबधब्याचा काचेचा पूल. या अनोख्या पुलावरून चालण्याचा आणि धबधब्याच्या विहंगम दृश्याचा अनुभव घेण्यासाठी महिलांमध्ये प्रचंड उत्साह होता. पावसाळ्याच्या दिवसांत हिरव्यागार झालेल्या परिसरात, कोसळणाऱ्या धबधब्याच्या साक्षीने सर्वांनी या पुलावरून अविस्मरणीय क्षण अनुभवले.
महिला आघाडीच्या सर्व सदस्यांनी या निसर्गरम्य पर्यटनस्थळी एकत्र येऊन एकमेकींसोबत आनंददायी वेळ घालवला. या उपक्रमामुळे शिक्षिकांच्या दैनंदिन कामातून थोडा विरंगुळा मिळाला. अशा प्रकारचे उपक्रम महिला शिक्षिकांमध्ये एकोपा वाढवतात आणि कामासाठी नवी ऊर्जा देतात, अशी प्रतिक्रिया सहभागी महिलांनी व्यक्त केली. महिला आघाडीच्या या स्तुत्य उपक्रमाचे सर्वत्र कौतुक होत आहे.
कोणत्याही टिप्पण्या नाहीत:
टिप्पणी पोस्ट करा