🛑 बालिका दिनानिमित्त महाराष्ट्र राज्य प्राथमिक शिक्षक समिती जिल्हा महिला आघाडी सिंधुदुर्ग राबवणार नाविन्यपूर्ण अभिनव उपक्रम

🛑 बालिका दिनानिमित्त महाराष्ट्र राज्य प्राथमिक शिक्षक समिती  जिल्हा महिला आघाडी सिंधुदुर्ग राबवणार नाविन्यपूर्ण अभिनव उपक्रम

🔹 उपक्रम : मिळून साऱ्याजणी 

सिंधुदुर्गनगरी : 3 जानेवारी म्हणजेच क्रांतीज्योती सावित्रीबाई फुले यांचा जन्मदिन अर्थात बालिका दिन संपन्न होत असतो. या दिवसाचे औचित्य साधत महाराष्ट्र राज्य प्राथमिक शिक्षक समिती सिंधुदुर्ग जिल्हा महिला आघाडी आपल्या उपक्रमांचा शुभारंभ करत आहे.

🪷 उपक्रम एक - रंग अनेक

          या उपक्रमात दर दिवशी सिंधुदुर्ग जिल्ह्यातील आठही तालुक्यांमध्ये प्राथमिक शिक्षक समितीच्या  तालुका महिला आघाडी तर्फे तालुक्याचे एक उत्कृष्ट सादरीकरण व्हिडिओच्या माध्यमातून प्रसारित केले जाणार आहे.या उपक्रमाचे वैशिष्ट्य म्हणजे आठही तालुक्यांचे सादरीकरण साचेबंद न राहता वेगवेगळे असणार आहे. प्रत्येक तालुक्यातील बालिका आपली कला सादर करणार आहेत. तरी या नववर्षातील नव्या कल्पनेसह येणाऱ्या उपक्रमांचा सर्वांनी लाभ घ्यावा असे आवाहन महिला आघाडी जिल्हाध्यक्षा निकिता ठाकूर व जिल्हा सरचिटणीस वैभवी कसालकर यांनी केले आहे.

🔵 उंच माझा झोका उपक्रमाअंतर्गत कर्तबगार महिलांची वेशभूषा व मनोगत उपक्रम

🔵 उंच माझा झोका उपक्रमाअंतर्गत कर्तबगार महिलांची वेशभूषा व मनोगत उपक्रम                        ♦️सहभागी शाळा      

1) राजमाता जिजाबाई - शाळा हरकुळ नं .५    

2) सावित्रीबाई फुले- शाळा तळेरे वाघाची  

3) जिल्हा परिषद शाळा - ओटव नं.१ - सिंधुताई सपकाळ                                 

4) सद्गुरु भालचंद्र महाराज विद्यालय कणकवली क्र. 3 - झाशीची राणी लक्ष्मीबाई                      

5) माता रमाबाई  - सांगवे तेलंगवाडी 

6) मी सिंधुताई सपकाळ -  फोंडा सुतारवाडी

7) आनंदीबाई गोपाळ  :  शाळा बोर्डवे नं 3                

8) कल्पना चावला, शाळा भिरवंडे नं.1

9 )अहिल्याबाई होळकर शाळा तळेरे नं 1

10) रमाबाई रानडे - हरकुळ खुर्द नं.1

11) डॉ रखमाबाई राऊत - माईन नं 1     

12) राजमाता जिजाबाई - शाळा कासार्डे देऊलकरवाडी

13)झाशीची राणी लक्ष्मीबाई -शाळा तरंदळे कुंदेवाडी

महाराष्ट्र राज्य प्राथमिक शिक्षक समिती महिला आघाडी शाखा कणकवली " बालिका दिन " साजरा करणार

महाराष्ट्र राज्य प्राथमिक शिक्षक समिती महिला आघाडी शाखा कणकवली " बालिका दिन " साजरा करणार 

कणकवली : 

          बालिका दिन सप्ताह साजरा करण्यासाठी शिक्षक समिती कणकवली तालुक्याने " कर्तबगार महिलांच्या वेशभुषा " हा उपक्रम निवडला आहे . या  उपक्रमात जिल्हा परिषद शाळेतील शिक्षक आपल्या शाळेतील विद्यार्थिनींना सहभागी करून व्हिडिओ पाठविणार आहेत. जे शिक्षक / शाळा सहभागी होणार आहेत त्यांनी शाळेचे नाव व कोणाची वेशभुषा करणार  ते नाव कळवण्याचे आवाहन करण्यात आले आहे. 

          तालुका स्तरावर आलेल्या व्हिडिओ मधून उत्कृष्ट असलेला व्हिडिओ जिल्हा महिला आघाडीकडे पाठवून  प्रसारित करण्यात येणार आहे. जिल्हा महिला कार्यकारिणीकडे पाठवायचा व्हिडिओ निवडण्याचे अधिकार महिला आघाडी तालुका कार्यकारिणीकडे राखून ठेवण्यात आलेले आहेत. तरी जास्तीत जास्त शाळांनी उंच माझा झोका या उपक्रमात सहभागी होण्याचे आवाहन शिक्षक समिती महिला आघाडी तालुकाध्यक्षा नेहा मोरे यांनी केले आहे. 

रक्तदान शिबिर उपक्रम आदर्शवत : भाई चव्हाण

 

गंभीर जखमी विद्यार्थीनीला शिक्षक समितीचा मदतीचा हात

 🤝 गंभीर जखमी विद्यार्थीनीला शिक्षक समितीचा मदतीचा हात 🤝

♻️♻️♻️♻️♻️♻️♻️♻️♻️

           जि.प.शाळा शिडवणे कोनेवाडीच्या इयत्ता सातवीतील कु.अनुष्का गुरुदास टक्के या विद्यार्थीनीचा शाळेत खेळत असताना पडल्याने हात फ्रॅक्चर झाला. तीला डॉ.नवरे हॉस्पिटल, कणकवली येथे दाखल करण्यात आले. सदर विद्यार्थीनीची परिस्थिती गरीबीची असल्याने शिक्षक समिती कणकवलीच्या वतीने आज सकाळी १०:०० वा. या विद्यार्थीनीला तात्काळ रु. ५०००/- ची आर्थिक मदत देण्यात आली. ही मदत तिच्या पालकांकडे सुपुर्द करण्यात आली.

          सदर प्रसंगी तालुकाध्यक्ष टोनी म्हापसेकर, सरचिटणीस महेंद्र पवार, महिला आघाडी अध्यक्ष नेहा मोरे, प्रवक्ते विनायक जाधव, सल्लागार सत्यवान घाडीगांवकर, शाळेतील शिक्षक मंगेश खांबाळकर व पालक इ. उपस्थित होते.

🛑 रक्तदाती : शिक्षक समिती

🛑 रक्तदाती : शिक्षक समिती

          रक्ताचं दान हे जणू प्राणांचं दान आहे. एखादा गरजू त्या रक्तामुळे मृत्यूच्या जबड्यातून परत येऊ शकण्याची ताकद त्यात आहे. याचं महत्त्व आणि निकड लक्षात घेऊनच महाराष्ट्र राज्य प्राथमिक शिक्षक समिती दरवर्षी रक्तदानाचं शिबीर आयोजित करीत असते. 

          गेल्या शनिवारी कणकवली तालुका शाखेच्या वतीने रक्तदान शिबीर संपन्न झालं. त्यात तीस रक्तदात्यांनी रक्तदान केलं. या सर्व रक्तदात्यांचे आभार मानावे तितके कमीच आहेत. या समितीच्या पाईकांनी शिक्षणाचं व्रत जोपासत असताना ' रक्तदान हेच श्रेष्ठदान ' हे ब्रीदवाक्य जाणून उत्स्फूर्तपणे रक्ताचं दान केलं आहे. त्यांच्या या दानाला दाद दिली पाहिजे.

          त्यांच्या शरीरातील एकेक रक्ताचा कण रक्तपेढीसाठी महत्त्वाचा आहे. या निरोगी शिक्षकांनी दिलेलं रक्त कोणासाठी तरी प्राणदान ठरणार आहे. ज्याला रक्ताची निकड असेल त्या व्यक्तीलाच त्याचं महत्त्व अधिक पटीने समजू शकतं. 

          सकाळी लवकरच रक्तदान शिबीर सुरु झालं. त्यावेळी पुरुष शिक्षकच नव्हे तर महिला शिक्षिका देखील रक्तदान करायला आल्या होत्या. रक्त देत असताना त्यांचा आनंद गगनात मावत नव्हता. हसतमुखाने रक्त देताना मी त्यांना पाहत होतो. त्यांचे चेहरे टिपत होतो. त्यातील काही शिक्षक बांधव दर तीन महिन्यांनी रक्तदान करणारे आहेत. अर्थात आपल्या शरीराची तपासणी केल्यानंतरच रक्तदान करता येते. काहींना ते करता आलं नाही म्हणून त्यांचे चेहरे  हिरमुसलेले झाले होते. मनात द्यायचं असतं , पण देता येत नाही ही त्यांची खंत होती. ते सक्षम होतील तेव्हा पुढच्या वेळी नक्कीच रक्तदान करतील यांत तिळमात्र शंका नाही. 

          शनिवारी सकाळची शाळा करुन रक्तदानासाठी गडबडीने येणाऱ्या शिक्षकांना मानायलाच हवे. समितीचा हा एक समाजोपयोगी उपक्रम असला तरी त्याला हे सर्व शिक्षक समितीचे पाईक समर्थपणे साथ देतात म्हणूनच हा उपक्रम यशस्वी होऊ शकतो. शिक्षक समितीच्या पदाधिकारी यांनी या शिबिराच्या यशस्वीतेसाठी केलेली धडपड आणि त्याचं परिपूर्ण नियोजन हेही कौतुकास्पद आहे. सर्व पाईकांचे हार्दिक आभार.

©️ प्रवीण अशितोष कुबल ( 9881471684 )

🔵 गंभीर जखमी विद्यार्थिनीला शिक्षक समितीचा मदतीचा हात

🔵 गंभीर जखमी विद्यार्थिनीला शिक्षक समितीचा मदतीचा हात

कणकवली : 

          जि.प.शाळा बिडवाडी हुंबरणेच्या इयत्ता पहिलीतील कु.दुर्वा राजाराम चव्हाण या विद्यार्थिनीचा मंगळवारी शाळेतून घरी जात असताना पडल्याने हात फ्रॅक्चर झाला होता. तिला उपजिल्हा रुग्णालय कणकवली येथे दाखल करण्यात आले होते. 

          सदर विद्यार्थिनीची परिस्थिती अतिशय गरीबीची असल्याने शिक्षक समिती कणकवलीच्या वतीने मंगळवारी सायंकाळी या विद्यार्थीनीला तात्काळ रु. ५०००/- ची आर्थिक मदत देण्यात आली. ही मदत तिच्या पालकांकडे सुपुर्द करण्यात आली.

          सदर प्रसंगी शिक्षक नेते गिल्बर्ट फर्नांडिस, तालुकाध्यक्ष टोनी म्हापसेकर, सरचिटणीस महेंद्र पवार, जिल्हा संघटक अजय तांबे, शाळेच्या मुख्याध्यापिका आशा गुरव , उपशिक्षिका स्नेहा राणे तसेच शाळा व्यवस्थापन समिती सदस्य उपस्थित होते.