महाराष्ट्र राज्य प्राथमिक शिक्षक समिती कणकवलीच्या वतीने विद्यार्थी व शिक्षक यांचा सन्मान सोहळा संपन्न

 🟣 आचार्य देवो भव

🟡 महाराष्ट्र राज्य प्राथमिक शिक्षक समिती , शाखा कणकवली यांच्या वतीने करण्यात आला सत्कार

🟤 गुरुपौर्णिमेच्या शुभदिनी केला गुरुंचा महागुरुंनी सन्मान

          आज महाराष्ट्र राज्य प्राथमिक शिक्षक समिती कणकवली शाखेच्या वतीने गुरुपौर्णिमेच्या दिनाचे औचित्य साधून कलमठ बाजार प्रशालेत सत्कार व गुणगौरव सन्मान सोहळा संपन्न झाला. त्यात उपक्रमशील शिक्षक , शिष्यवृत्ती स्पर्धा परीक्षेतील यशवंत विद्यार्थी , होतकरु गरजु विद्यार्थी , देशभक्तीपर गीतगायन उपक्रम सहभागी महिला शिक्षिका , ' खजिना कथांचा ' उपक्रम सहभागी महिला शिक्षिका , कलांकुर उपक्रम सहभागी महिला शिक्षिका , सेवानिवृत्त झालेले शिक्षक , संप्रेषण साहित्य निर्मिती कणकवली तालुकास्तरीय स्पर्धेतील विजेते शिक्षक यांचा सन्मानपूर्वक सत्कार करण्यात आला. मान्यवरांच्या शुभहस्ते शारदापूजन व दीपप्रज्वलन करुन कार्यक्रमाचे उदघाटन करण्यात आले. 

          तालुकाध्यक्ष मा. विनायक जाधव यांनी प्रास्ताविक केले. त्यांनी तालुकास्तरीय संघटनात्मक कार्याचा सविस्तर आढावा घेतला. 

          कणकवली तालुक्यातील २२ केंद्रातील २२ हुशार व होतकरु मुलांना प्रत्येकी एक स्कुल बॅग , दोनशे पानी वह्या , छत्री , कंपासपेटी , सॅनिटायझर , मास्क , शिसपेन्सिल , पेन , मोठी काचेची पट्टी , रंगीत तेल खडू , चित्रकला वही , पॅड व रोख रक्कम देऊन सन्मानित करण्यात आले. सर्व सत्कार मूर्तींना ' सहज सोपे मराठी व्याकरण ' या पुस्तकाची भेट देण्यात आली. श्री. डी.एन. मलये चॅरिटेबल ट्रस्टच्या वतीने श्रीम. कल्पना धाकू मलये यांच्या सहकार्याने पुस्तके देण्यात आली.  

          जिल्हाध्यक्ष मा. नितीन कदम , सिंधुदुर्ग जिल्हा शिक्षक बँकेचे अध्यक्ष मा. नामदेव जांभवडेकर , मा. चंद्रसेन पाताडे , शिक्षक नेते मा. गिल्बर्ट फर्नांडिस , शिक्षक बँकेचे संचालक मा. आनंद तांबे यांचा तालुकाध्यक्ष मा. विनायक जाधव यांच्या शुभहस्ते शाल , श्रीफळ , पुष्पगुच्छ व पुस्तकभेट देऊन हृद्य सत्कार करण्यात आला. 

          त्याचप्रमाणे तालुका पदाधिकारी यांनाही शाल , श्रीफळ व पुस्तकभेट देऊन सन्मानित करण्यात आले. संघटनेत नवीन प्रवेश केलेल्या शिक्षकांनाही स्मृतिचिन्ह, शाल , श्रीफळ व पुस्तकभेट देण्यात आले. 

          आजपासून कणकवली शिक्षक समितीने नवीन ' गाऊ आनंदे ' हा उपक्रम सुरु करत असल्याबाबत घोषणा करण्यात आली. गुरुपौर्णिमेच्या निमित्ताने सुरु झालेला नवीन उपक्रम हा इयत्ता पहिली ते सातवी पर्यंतच्या मराठी कवितांचे गायन करुन संघटनेच्या युट्युब चॅनेल वर प्रसारित करण्यात येणार असल्याचे सांगण्यात आले. 

          सत्कार समितीने केलेल्या विशेष मेहनतीबद्दल त्यांचे विशेष आभार मानण्यात आले. महिला आघाडीच्या विविध उपक्रमांबद्द्ल सर्व सहभागी महिला सदस्यांचे जिल्हा पदाधिकारी , तालुका पदाधिकारी आणि तालुकाध्यक्षा मा. निकिता ठाकूर व सरचिटणीस मा. नेहा मोरे यांनी विशेष कौतुक करुन प्रोत्साहनपर शुभेच्छा दिल्या. 

          मा. नितीन कदम , मा. दादा जांभवडेकर , मा. चंद्रसेन पाताडे यांनी आपले विचार मांडले व कणकवली तालुका शाखेच्या उपक्रमांचे तोंड भरुन कौतुक केले. कणकवली सरचिटणीस मा. सुशांत मर्गज यांनी संपूर्ण कार्यक्रमाचे सूत्रसंचालन केले व आभार मानले.

 आपले विनम्र :

🌐   मा. गिल्बर्ट फर्नांडिस , शिक्षकनेते

        मा. विनायक जाधव , तालुकाध्यक्ष , कणकवली 

        मा. सुशांत मर्गज , तालुका सरचिटणीस , कणकवली

        मा. निकिता ठाकूर , तालुका अध्यक्षा , महिला आघाडी , कणकवली

        मा. नेहा मोरे , तालुका सरचिटणीस , महिला आघाडी , कणकवली

©️ प्रसिद्धी प्रमुख :  प्रवीण कुबल

वैद्यकीय पथकासोबत करावयाच्या ड्युटीचा कालावधी कमी करणेबाबत तहसिलदार यांना निवेदन

 वैद्यकीय पथकासोबत करावयाच्या ड्युटीचा कालावधी कमी करणेबाबत तहसिलदार यांना निवेदन

महाराष्ट्र राज्य प्राथमिक शिक्षक समिती कणकवली शाखेची मागणी

कणकवली दिनांक : २१ एप्रिल २०२१ 

          मार्च २०२० मध्ये कोविड प्रादुर्भाव सुरु झाल्यापासून आजपर्यंत शासनाच्या वतीने कणकवली तालुक्यातील सर्व प्राथमिक शिक्षकांना शाळा विलगिकरण, चेकपोस्ट ड्युटी , रेल्वेस्टेशन या ठिकाणी नियुक्त्या देऊन कामकाज करुन घेण्यात येत आहे. 

          त्यावेळी सर्व शिक्षकांनी कर्तव्यभावनेने  प्रामाणिकपणे काम केलेले आहे आणि यापुढेही करणार आहेत. सध्या कोविड प्रादुर्भाव वाढत असून शासन त्यावर प्रतिबंधात्मक उपाययोजना करत आहे. या सर्व कामी प्राथमिक शिक्षक सर्वतोपरी सहकार्य करतच आहोत. 

          तहसिलदार कणकवली यांनी प्राथमिक शिक्षकांना वैद्यकीय पथकासोबत कामकाज पाहण्यासाठी १९ एप्रिल ते १९ मे असा एक महिन्याचा सलग आदेश कार्यान्वित केलेला आहे. हा कालावधी ८ ते १० दिवसांचा केल्यास सर्व शिक्षकांना यात सहभागी होता येणार आहे व कोविड प्रतिबंधात्मक कार्यात काम करण्याची संधी उपलब्ध होणार आहे. 

          म्हणूनच महाराष्ट्र राज्य प्राथमिक शिक्षक समिती कणकवली शाखेच्या वतीने तहसीलदार यांच्याकडे लेखी निवेदन देऊन आग्रहपूर्वक मागणी करण्यात आली आहे.

          त्यावेळी शिक्षक नेते गिल्बर्ट फर्नांडिस, तालुकाध्यक्ष विनायक जाधव, तालुका सरचिटणीस सुशांत मर्गज, जिल्हा विभागिय अध्यक्ष महेंद्र पवार, संदीप गोसावी, प्रवीण कदम, प्रमोद पवार, अमित हर्णे, श्रीकृष्ण ठाणेकर, राजेंद्र कडुलकर हे समितीचे शिलेदार प्रामुख्याने उपस्थित होते. मागणी केल्यानंतर तहसीलदार कणकवली यांनी मागणीप्रमाणे१० दिवस ड्युटी देण्याचे मान्य केल्याबद्दल सर्व शिक्षकांच्या वतीने त्यांचे आभार मानण्यात आले.

कणकवली तालुक्यातील सर्व प्राथमिक शिक्षकांना कोविड - 19 प्रतिबंधात्मक लस देणेबाबत निवेदन सादर

 🌐महाराष्ट्र राज्य प्राथमिक शिक्षक समिती

शाखा कणकवली अपडेट्स

🔺 दिनांक *19 एप्रिल* 2021

🔴कणकवली तालुक्यातील सर्व प्राथमिक शिक्षकांना कोविड - 19 प्रतिबंधात्मक लस देणेबाबत निवेदन सादर करण्यात आले.

1️⃣ मा. तहसीलदार कणकवली, मा. गटविकास अधिकारी, कणकवली आणि मा. गटशिक्षणाधिकारी कणकवली यांना देण्यात आले शिष्टमंडळाकडून लेखी निवेदन

2️⃣ त्यावेळी शिक्षक नेते मा. गिल्बर्ट फर्नांडिस , तालुकाध्यक्ष मा. विनायक जाधव, तालुका सरचिटणीस मा. सुशांत मर्गज , जिल्हा कार्यालयीन चिटणीस मा. संतोष कुडाळकर , उपाध्यक्ष मा. टोनी म्हापसेकर , मा. सुधाकर गुरव आणि मा. सुनिल तांबे आदी शिक्षक समिती शिलेदार प्रामुख्याने उपस्थित होते. 

3️⃣ Covid- 19 प्रादुर्भाव आपत्कालीन परिस्थितीत गेले वर्षभर कणकवली तालुक्यातील सर्व प्राथमिक शिक्षक बांधवांनी जिल्हा , तालुका प्रशासनासोबत सहकार्य करत प्रतिबंधात्मक उपाययोजना म्हणून विविध ठिकाणी आपले कर्तव्य बजावले आहे. 

4️⃣ सद्यस्थितीमध्ये रेल्वेस्टेशन , चेकपोस्ट येथे प्राथमिक शिक्षक कोविड - 19 ड्युटीसाठी रात्रंदिवस कार्यरत आहेत. 

5️⃣ आरोग्य कर्मचारी , महसुल विभाग , जिल्हा परिषद व पंचायत समिती कर्मचारी आदींना कोविड- 19 प्रतिबंधात्मक लस दिलेली आहे.

6️⃣ प्राथमिक शिक्षकांनी देखील कोविड- 19 संदर्भात शासनाने जी जी जबाबदारी दिली ती जबाबदारी कर्तव्य भावनेने पार पाडलेली आहे. 

7️⃣ तरीही अजूनही प्राथमिक शिक्षकांना लस देण्याबाबत नियोजन करण्यात आलेले नाही.

8️⃣ शिक्षकांचा थेट संपर्क विद्यार्थी , पालक यांच्याशी येत आहे. तसेच रेल्वे स्टेशन , चेकपोस्ट ड्युटी बजावत असताना प्रवाशांशी थेट संपर्क येत आहे. 

9️⃣ सदर ड्युट्या करणे अत्यंत जोखमीचे असल्याकारणाने कणकवली तालुक्यातील सर्व प्राथमिक शिक्षकांना कोविड - 19 प्रतिबंधात्मक लस शासनाने उपलब्ध करून देऊन लस देण्यात यावी अशी महाराष्ट्र राज्य प्राथमिक शिक्षक समिती शाखा कणकवलीची आग्रही मागणी आहे. 

🔟 कोविड- 19 प्रतिबंधात्मक लस दिल्याशिवाय कोणत्याही प्राथमिक शिक्षकांना चेकपोस्ट , रेल्वे स्टेशन किंवा covid - 19 संदर्भात इतर ड्युट्या काढण्यात येऊ नयेत अशीही मागणी करण्यात आली. 

©️ महाराष्ट्र राज्य प्राथमिक शिक्षक समिती,  शाखा : कणकवली तालुका

शिक्षक समितीने केले नूतन जि. प. अध्यक्षांचे अभिनंदन

 शिक्षक समितीने केले नूतन जि. प. अध्यक्षांचे अभिनंदन

 कणकवली तालुका शाखेच्या वतीने दिल्या शुभेच्छा

 कणकवली  दिनांक : २६ मार्च २०२१

          नुतन जिल्हा परिषद अध्यक्षा संजना संदेश सावंत यांची अभिनंदनीय निवड झाल्याबद्दल महाराष्ट्र राज्य प्राथमिक शिक्षक समितीच्या कणकवली तालुका शाखेच्या वतीने हृदय स्वागत करण्यात आले. अध्यक्षा संजना सावंत यांच्या घरी जाऊन शिक्षक समितीच्या शिलेदारांनी त्यांना पुष्पगुच्छ देऊन पुढील वाटचालीसाठी मनापासून शुभेच्छा दिल्या. 

          त्तालुकाध्यक्ष विनायक जाधव यांनी नव्या अध्यक्षा संजना सावंत यांचे शाब्दिक स्वागत करुन जिल्हा परिषदेच्या अध्यक्षपदी दुसऱ्यांदा निवड झाल्याबद्दल बुके देऊन संघटनेच्या वतीने अभिनंदनपर मनोगत व्यक्त केले. त्यावेळी सिंधुदुर्ग जिल्हाध्यक्ष नितीन कदम, शिक्षकनेते गिल्बर्ट फर्नांडिस , तालुकाध्यक्ष विनायक जाधव , तालुका सरचिटणीस सुशांत मर्गज , महिला सेलच्या तालुकाध्यक्षा निकिता ठाकूर , महिला तालुका सरचिटणीस नेहा मोरे आणि तमाम तालुका आणि जिल्हा पदाधिकारी प्रामुख्याने उपस्थित होते. माजी जि.प. अध्यक्ष संदेश सावंत हे देखील त्यावेळी उपस्थित होते. नूतन अध्यक्षा संजना सावंत प्राथमिक शिक्षक समितीच्या भावपूर्ण अभिनंदनाने भारावून गेल्या. सिंधुदुर्ग जिल्ह्यातील शिक्षकांच्या समस्या समजून घेऊन त्या सोडविण्याचा सर्वतोपरी प्रयत्न करेन असेही त्या म्हणाल्या.

कनेडी बाजारपेठ शाळेत कणकवली शिक्षक समिती कार्यकारिणी सभा उत्साहात संपन्न

🔴 आज दिनांक  ५ मार्च २०२१ रोजी  महाराष्ट्र राज्य प्राथमिक शिक्षक समिती तालुका कणकवली कार्यकारिणी सभा कनेडी बाजारपेठ शाळेत संपन्न झाली.

🟢 सभेमध्ये सरचिटणीस सुशांत मर्गज यांनी सर्वांचे शाब्दिक स्वागत केले.

🌐 मान्यवरांचे गुलाबपुष्प देऊन समारंभपूर्वक स्वागत करण्यात आले.

🟣 व्यासपीठावर सन्माननीय शिक्षकनेते गिल्बर्ट फर्नांडिस , तालुकाध्यक्ष विनायक जाधव , कार्याध्यक्ष मणेरीकरसाहेब , शिक्षक बँक संचालक आनंद तांबे , केंद्रप्रमुख अडुळकर , महिलाध्यक्षा निकिता ठाकूर , महिला सरचिटणीस नेहा मोरे उपस्थित होते.

🟠 जिल्हा पदाधिकारी यांचेदेखील स्वागत करण्यात आले. 

🟢 कै. उमा महेश काणेकर स्मरणार्थ उपक्रमशील शिक्षिका पुरस्कारप्राप्त यांचेही गुलाबपुष्प देऊन मान्यवरांच्या हस्ते अभिनंदन करण्यात आले. 

🟣 सचिव सुशांत मर्गज यांनी मागील सभेचे इतिवृत्त सविस्तर वाचून दाखवले. 

🟢 इतिवृत्तास सर्वांनी मंजुरी दिली.

🔴 तालुकाध्यक्ष विनायक जाधव यांनी तालुका संघटनात्मक कार्याचा आढावा घेतला. नवांकुर या महिला सेलच्या उपक्रमाचे कौतुक केले. जिल्हा सभेत घडलेल्या माहितीचे सादरीकरण केले.  शिक्षणाधिकारी एकनाथ आंबोकर यांच्या विरोधात आपल्या समितीने जिल्हास्तरावर केलेल्या आंदोलनानंतरही आपली संघटना एकटी स्वतंत्रपणे देखील लढू शकते या गोष्टीचा पुनरुच्चार केला. वेळ आल्यास जिल्हा पातळीवरुन होणारे निर्णय आपणापर्यंत पोहोचवले जातील असेही सांगितले.

🟠 समितीचा NPS ला अजूनही विरोधच आहे. तसेच DCPS च्या त्रुटी पूर्ण करण्याबाबतही वारंवार संघटनात्मक पाठपुरावा सुरु असल्याचेही त्यांनी सांगितले.

🟢 वेतन निश्चिती व चट्टोपाध्याय वेतन संदर्भात शिक्षकनेते गिल्बर्ट फर्नांडिस आणि श्रीकृष्ण कांबळी यांच्या विशेष प्रयत्नांबद्दल त्यांना धन्यवाद देण्यात आले.

🟣 मेडिकल बिले पेंडिंग नसल्याचेही त्यांनी सांगितले.

🌐 येत्या मंगळवारी २८ चटोपाध्याय धारक शिक्षकांचे विकल्प भरुन घेण्यात येतील असे सांगण्यात आले.

🟠 ज्या केंद्रांनी अद्याप संवर्धन निधी जमा केला नाही त्यांनी तो वेळीच जमा करण्याबाबत आवाहन करण्यात आले.

🟣 सर्व समितीचे शिलेदार समितीला नियमितपणे आर्थिक सहाय्य देतात याबद्दल तालुकाध्यक्ष यांनी सर्वांचे विशेष आभार मानले.

🟢 यंदाची वार्षिक वर्गणी संवर्धन निधीमधून घेण्याचा ठराव घेण्यात आला.

🟠 गुणगौरव समारंभ २४ एप्रिल रोजी करण्याचे नियोजन करण्यात आले.

🟢 दत्तक विद्यार्थी , NEP क्रमांकप्राप्त शिक्षक , संघटना प्रवेश केलेले शिक्षक , सेवानिवृत्त शिक्षक , विविध शिक्षक पुरस्कारप्राप्त शिक्षक , ५ वी व ८ वी शिष्यवृत्तीधारक , नवोदय निवड झालेले दोन दिवसात अद्ययावत माहिती देणेबाबत आवाहन करण्यात आले.

🟠 महिला गीतगायन व खजिना कथांचा या उपक्रमातील सहभागींना प्रमाणपत्रे देणेबाबत ठरले.

🟣 कोषाध्यक्ष संतोष राणे यांच्या राजीनामा अर्जावर सविस्तर चर्चा झाली. पुढील सभेत त्यांच्या प्रत्यक्ष उपस्थितीनंतरच त्यावर निर्णय देण्याचे ठरले.

🌐 संचालक आनंद तांबे यांनी शिक्षक बँकेबाबत सविस्तर आकडेवारी सांगितली. विविध योजना सांगितल्या.

🟢 सरचिटणीस सुशांत मर्गज यांनी सर्वांचे आभार मानले. सभा ६.५७ वा. संपली. सभेला ५० पेक्षा जास्त शिक्षक सभासद उपस्थित होते.

©️ प्रवीण अशितोष कुबल , प्रसिद्धी प्रमुख